KQZ takim me Drejtorin e ODIHR Ambasadorin Christian Strohal

[ 13. 04. 2005 ] Komisioni Qendror i Zgjedhjeve zhvilloi sot nje takim pune me Drejtorin e ODIHR, Ambasadorin Christian Strohal mbi pergatitjet per zgjedhjet e ardhshme per Kuvendin e Shqiperise.

Ambasadori Strohal, se bashku me z. Nikolai Vulchanov, u njoh nga afer me veprimtarine e Komisionit Qendror te Zgjedhjeve dhe me hapat e ndermarre nga ky institucion per mbarevajtjen e Zgjedhjeve 2005.

Anetaret e Komisionit Qendror te Zgjedhjeve shprehen gatishmerine e KQZ per te zbatuar ligjin zgjedhor, si edhe per te punuar me te gjithe faktoret e procesit ne menyre qe te garantohe zgjedhje ne perputhje me standartet e kerkuara

Drejtori i ODIHR, Ambasadori Strohal deklaroi se rendesia e ketij procesi zgjedhor pasqyrohet ne ndarjen e pergjegjesive mes partive politike, qeverise, dhe administrates se zgjedhjeve. "Ne vleresojme menyren profesionale me te cilen po pergatitet Komisioni Qendror i Zgjedhjeve" - deklaroi zoti Strohal.

Zyrat Rajonale Zgjedhore te KQZ nisin sot funksionimin

[ 02. 04. 2005 ] Komisioni Qendror i Zgjedhjeve zhvilloi sot trajnimin perfundimtar te inspektoreve te 12 Zyrave Rajonale Zgjedhore, te cilat do te funksionojne ne te gjitha prefekturat e vendit. Ngritja e Zyrave Rajonale Zgjedhore eshte nje projekt i ri i KQZ dhe sjell formimin per here te pare te strukturave te tilla per procesin e ardhshem zgjedhor.

Zyrat Rajonale Zgjedhore do te kryejne detyra te karakterit ekzekutiv dhe organizativ dhe do te mundesojne percjelljen e menjehershme te vendimeve dhe udhezimeve te Komisionit Qendror te Zgjedhjeve per komisionet e zonave zgjedhore. Gjithashtu, keto struktura do te japin ndihmese ne organizimin e trajnimeve te komisionereve zgjedhore, sigurimin e bazes logjistike dhe do te mbajne kontakte te vazhdueshme me subjektet zgjedhore vendore.

Komisioni Qendror i Zgjedhjeve vlereson se ngritja dhe funksionimi i Zyrave Rajonale Zgjedhore do te jete nje mundesi me shume per administrimin e zgjedhjeve te ardhshme per Kuvendin e Shqiperise.