Në Nëntor të
vitit 1998, nëpërmjet një referendumi
kombëtar, populli shqiptar aprovoi Kushtetuten
e re e cila në nenet 153 dhe 154 sanksionoi
krijimin e Komisionit Qëndror të Zhgjedhjeve
(KQZ) si organ të përhershëm i përbëre
nga shtate anëtarë.
Me miratimin nga Kuvendi i Shqiperisë të
Ligjit Nr. 8609, datë 08/05/2000 "KODI
ZGJEDHOR I REPUBLIKËS SË SHQIPËRISE",
Komisioni mori formën e tij të plotë
ligjore në nenet 16-31 të këtij
kodi.
Qershori i vitit 2000 shënon fillimin e
aktivitetit te KQZ-së me gjashtë anëtarë
të emëruar sipas Kushtetutës, dy
nga Presidenti i Republikes, tre nga Këshilli
i Larte i Drejtësisë dhe një nga
Kuvendi. Një muaj më pas, dhe pikërisht
në Korrik të vitit 2000, Kuvendi emëroi
anëtarin e shtatë të KQZ-së.
Shtatë anëtarët e parë të
KQZ-së të kostituar ishin z. Fotaq NANO
kryetar, znj. Mimoza ARBI zëvendëskryetar,
z. Maksim SHIMANI anëtar, z. Klement ZGURI
anëtar, z. Pandeli VARFI anëtar, z.
Shahin BISTRI anëtar dhe z. Gasper KOKAJ
anëtar.
Zgjedhjet e para që u përgatiten nga
ky Komision ishin ato të zhvilluara në
Tetor të vitit 2000 për zgjedhjen e
Organeve te Qeverisjes Vendore.
Disa muaj pas perfundimit të zgjedhjeve
vendore të Tetorit 2000, kanë dhënë
dorëheqjen nga Komisioni Qëndror i Zgjedhjeve
Fotaq Nano, Mimoza Arbi dhe Shahin Bistri.
Më 10 Shkurt të vitit 2001 Këshilli
i Lartë i Drejtësisë zgjodhi dy
anëtarët e rinj të këtij Komisioni
që ishin z. Ilirjan CELIBASHI dhe z. Igli
TOSKA, dhe më 12 Shkurt të po këtij
viti Kuvendi zgjodhi dhe z.Tomorr MALAJ si anëtar
të këtij komisioni.
Gjate vitit 2003 perfunduan mandatin e tyre si
anetare te Komisionit Qendror te Zgjedhjeve, Igli
Toska, Gasper Kokaj dhe Klement Zguri. Keshilli
i Larte i Drejtesise emeroi anetare te KQZ, znj.
Deshira Subashi, Presidenti i Republikes emeroi
z. Klement Zguri dhe Kuvendi vendosi z. Dode Prenga.
Ne date 25 Nentor 2004, Keshilli i Larte i Drejtesise
zgjodhi z. Clirim Gjata si anetar te Komisionit
Qendror te Zgjedhjeve, ne vend te anetarit Maksim
Shimani.
Gjatë vitit 2006 perfunduan mandatin e tyre
si anëtarë të Komisionit Qendror
të Zgjedhjeve z. Ilirjan CELIBASHIi, z. Pandeli
VARFI, z. Tomor MALAJ. Këshilli i Lartë
i Drejtësisë emëroi anëtar
z. Flamur ÇATO, Presidenti i Republikës
z. Fatmir KUMBARO dhe Kuvendi z. Arben RISTANI.
Me Ligjin Nr.9675, datë 13.01.2007 ndryshoi Kushtetuta dhe KQZ nga shkurti 2007 përbëhet nga 9 anëtarë. Kuvendi emëroi anëtarë z. Shkëlqim Hysi dhe z. Gent Shala.
Me Ligjin Nr.9904, date 21.04.2008 ndryshoi Kushtetuta e Republikes se Shqiperise dhe shfuqizoi nenet 153 e 154 ku saksionohej krijimi i KQZ-se duke ja lene kete Kodit Zgjedhor.
Me Ligjin Nr.10019, date 29.12.2008 "Kodi Zgjedhor i Republikes se Shqiperise" u saksionua krijimi i Komisionit Qendror te Zgjedhjeve si organi me i larte shteteror i perhershem, i ngarkua me administrimin e zgjedhjeve, me 7 anetare, me mandat 4 vjeçar. Anetaret dhe kryetari i KQZ-se zgjidhen nga Kuvendi i Shqiperise.
Me date 02.02.2009 Kuvendi zgjodhi kryetar te KQZ-se z.Arben Ristani dhe anetare z.Artan Lazaj, znj.Deshira Subashi, z.Hysen Osmanaj, z.Klemet Zguri, z.Pandeli Varfi dhe znj.Vera Shtjefni.
