2. Merr vendime për njësimin e praktikave zgjedhore.

3. Drejton dhe kontrollon, nëpërmjet anetareve dhe strukturave te saj, proçesin parazgjedhor dhe atë zgjedhor.

4. Shpall me vendim rezultatet përfundimtare të zgjedhjeve në shkallë vendi, në bazë të rezultateve të shpallura nga KZZ-ja, ose sipas rastit KZQV-ja, dhe pas perfundimit te shqyrtimit te ankimeve ne gjykate.

5. Shpall kandidatët fitues nga listat shumemërore për deputet.

6. Zbaton progame për edukimin zgjedhor të shtetasve dhe për trajnimin e avëtarëve të komisioneve të zgjedhjeve.

7. Emëron dhe shkarkon, në përputhje me këtë Kod, anëtarët e KZZ-së, KZQV-së dhe të komisioneve zgjedhore të qarqeve dhe i mbikëqyr ato në përmbushjen e detyrave të tyre.

8. Boton buletinin e zgjedhjeve, I cili përmban rezultatet e zgjedhjeve për çdo njësi zgjedhdore dhe qendër votimi, si dhe një raport mbi shpenzimet zgjedhore.

9. Paraqet në Kuvend, brenda muajit shkurt të çdo vit, një raport vjetor mbi veprimtartë e vitit të kaluar.

10. Përgatit projektbuxhetin vjetor, sipas ligjit perkates, per funksionimin e institucionit dhe, pas miratimit me ligj te buxhetit, percakton ne menyre te pergjithshme strukturen e shpenzimeve buxhetore.

11. Përgatit projektbuxhetin per zgedhjet e pritshme dhe administron fondet e vëna në dispozicion nga buxheti i shtetit dhe nga burime të tjera të ligjshme në shërbim të zgjedhjeve, duke marre vendim per strukturen e shpenzimeve buxhetore dhe donacioneve te ndryshme per zgjedhjet.

12. Shqyrton dhe zgjidh ankesat e subjekteve zgjedhore për zhvillimin e proçesit zgjedhor, në përputhje me rregullat e këtij Kodi.

14. Cakton masën e shpërblimit për anëtarët dhe përfaqësuesit pa të drejtë vote të komisioneve zgjedhore.

15. Vendos sanksione administrative kundër personave që kryejnë kundërvajtje administrative në lidhje me zgjedhjet, si dhe bën kallëzim penal për vepra penale në lidhje me zgjedhjet.

16. Kryen detyra të tjera që burojnë nga ky Kod ose nga ligje të tjerë.